Mae’r prosiect llwyddiannus Ceidwaid Sgiliau yn croesawu digwyddiad dathlu yng Nghwm Afan yn ystod hanner tymor yr hydref.

Mae’r prosiect Ceidwaid Sgiliau a reolir gan Grŵp Colegau NPTC, yn dathlu 10 mis o ymgysylltu’n llwyddiannus â Chwm Afan. Yn ystod y cyfnod hwnnw, mae cannoedd o bobl o’r ardal a thu hwnt wedi ymgysylltu ac wedi mynychu digwyddiadau a gweithgareddau amrywiol. Mae wedi bod yn daith werthfawr o gefnogi unigolion trwy hyfforddiant sgiliau pwysig a llwybrau i gyflogaeth. Gyda hwb gan ymrwymiad sefydliadau eraill sydd wedi helpu gyda’r broses ymgysylltu, mae’r Coleg yn edrych ymlaen at barhau i ymgysylltu â’r gymuned yn yr ardal gan obeithio bod hyn yn fan cychwyn twf parhaus yn y cyfleoedd y gall Grŵp Colegau NPTC eu cynnig ar gyfer cymunedau Cwm Afan.

Dywedodd Gemma Charnock, Is-bennaeth: Corfforaethol ac Ysgrifennydd Cwmni’r Grŵp: “Rydyn ni’n hynod o falch o’r gwaith rydyn ni wedi ei gyflawni yng Nghwm Afan. Mae’r cymorth a’r ymgysylltiad gan y gymuned wedi bod yn allweddol o ran gwneud i’r prosiect hwn yn un llwyddiannus ac rydyn ni’n edrych ymlaen at ddathlu ein cyflawniadau ar y cyd.”

Beth am alw heibio ac ymweld â ni ddydd Mercher, 30 Hydref yng Nghanolfan Ffitrwydd Afan, Ysgol Gynradd Cymer, rhwng 10.30am a 2.30pm?

Bydd ymwelwyr yn gallu cyflawni gweithgareddau hwyl, gweld amrywiaeth o stondinau, bwydydd am ddim a llawer mwy. Mae’r digwyddiad yn cynnig cyfle ardderchog i ymgysylltu â phobl eraill, dysgu am yr adnoddau sydd ar gael ac ymchwilio i’r cyfleoedd addysgol sydd ar gael gan Grŵp Colegau NPTC.